2012 قهوه المصريين

هلا بكم في منتدي قهوه المصريين ادخل وتمتع باحدث الاشياء الممتعه والتعليم الممتع ولمتابعه المزيد يجب عليك التسجيل في المنتدي وذالك مجاني

قهوه المصريين2012

اهلا بكل عضو معانا في قهوه المصريين ما تبحث عنو ستجده هنا فقط

    تحديث الصفحة موضوع مهم والله يا شباب || موضوع مميز ||

    شاطر
    avatar
    قهوه المصريين2012
    Admin

    عدد المساهمات : 247
    نقاط : 734
    السٌّمعَة : 0
    تاريخ التسجيل : 03/09/2011
    الموقع : http://egypt.boardlog.com

    تحديث الصفحة موضوع مهم والله يا شباب || موضوع مميز ||

    مُساهمة من طرف قهوه المصريين2012 في الأحد سبتمبر 11, 2011 4:19 am


    انهردا يا شباب هتكلم على مقولة مشهورة جدا جدا وهى مفيش حب بيكمل للاخر
    هل ده صحيح يا شباب مش شايفين ان احنا بنقول كده علطول من غير تفكير
    طيب عاوزين نعرف ايه سبب كده


    كل شاب اليومين دول يكمل 15 سنه وينتبه للبنات وياخد نمر تليفونات ويكلم دى ودى ودى ويقول لواحدة بحبك ومعجب وهو بيتسلى طيب بنقول ليه الحب مش بيكمل مش لما يبقى فى حب الاول احنا بنبتدى غلط فى كل حاجة البنت تصدق انو بيحبها وتفضل تكلمو وهو حتى مفكرش يتقدم وفى الاخر يجيلها عريس وهو يخلع ويقولك ظروف

    ليه مفكرناش نبتدى صح ليه الى بيحب حد مش بيخاف على سمعته ومشاعره ليه كل اصحابى بيقولولى انت خيبه علشان مبكلمش بنات
    احب مين دلوق وليه وانا لسه بابا بيدينى مصروف مش لما تحب حد تبقى قد المسؤلية ومش لما تحب حد بتخاف على مشاعره وتخاف على سمعته وصورته قدام ليه تعترف لحد انك بتحبو وانت عارف انك مش قد المسؤلية ليه اكلم دى واضحك عليها واجرحها وليه دايما نحب الغلط

    ومقولة تانية تقول الخطوبة افضل فترة والجواز حاجة وحشة وحاجة تجيب الضغط والهم طيب تيجو نعرف ليه.....اقولكم ليه علشان اى شاب بص كده وشاف واحدة عجبتو قام خاطبها وفى فترة الخطوبة كلها هدايا وفسح وكلام جميل بس فين ده بعد الجواز تلاقيه يبص لغيرها طيب ليه يا اخى لما هتجرحها اتجوزتها ليه من الاساس ليه دايما نجرح غيرنا وليه مش نديلو حقو ونراعيه زى مربنا قال هو مش بنى ادم وليه مشاعر ولا ايه ليه مصمم تبقى بنى ادم فاسد ليه بس

    ونبص مثلا للبنت قبل الجواز بتهتم بنفسها وبعد الجواز تتخان بقى وتسيب نفسها طيب ليه كده لازم تبقى جميلة فى نظر زوجك ولازم تهتمى بنفسك وبيه وللاسف اغلبنا مش بيعمل كده طيب ايه السبب ونرجع نقول ايه الحب مش بيكمل للاخر الخطوبة احلى من الجواز مش لما تبقى صح تحكم ومش لما تبتدى صح تبقى تقول حكم يا معلم بص لنفسك انت قولت لحد بحبك وانت مديتوش حقه بعد ما تتجوزو تبقى محبتوش اصلا علشان تقول مش بيفضل للاخريا عم اتلقح للاسف يا شباب انا بقيت احزن على البنت فى مجتمعنا ده صدقونى اكترهم بيتاهنو وبيتجرحو علشان ازواجهم زى الحيوانات ماشيين ورا الغريزة وبقيت اشوف الاسرة بايظة والبنت ابوها ولا امها بيوعوها ازاى تلبس وتتكلم وتمشى للاسف حاجة بقت صعبة اوى


    منين هنلاقى حب ومنين هنلاقى احترام وحاجة صادقة ومشاعر بجد واحنا غلط فى غلط واحنا مش محترمين بقول للشاب الى بيحب بجد متفكرش تعترف لحد بحبك الا وانت قد الكلمة دى وقد مسؤليتها وانك قادر تفتح بيت وتبتدى صح ولو قولتها اعرف انها دين وعهد طلما قولت بحب يبقى تدى الى بتحبو حقه مش ترميه للاسف بعد متزهق منوواسف شباب طولت اصل الحجات دى بتستفزنى بجد من كتر ما اصحابى مفكرنى عبيط وعلنياتى علشان مش بعمل زيهم وهم الى غلط وتايهين والنصايح مش بتنفع ربنا يهدى ومليش اسالة عاوز رايكم مش اكتر وياريت تنورونى وكمان تقولو رايكم مش تسيبو الموضوع وتمشو علشان المواضيع دى بجد مهمة ومش لازم ابعتلك رابط المضوع علشان تدخل ترد انا مستنى رايكم

      الوقت/التاريخ الآن هو الأحد أكتوبر 22, 2017 6:25 am